შპს „ავანგარდი“ არის ავეჯის ზედაპირების მწარმოებელი კომპანია საქართველოში.  კომპანიას აქვს 4 მაღაზია და საწარმო; კომპანია მაქსიმალურად ცდილობს მოერგოს მომხმარებლების მოთხოვნებს, რისთვისაც მას უხდება აწარმოოს სხვადასხვა ზომის (სისქე, სიგანე) სტანდარტული პროდუქტი და ასევე, მომხმარებლებისგან სისტემატიურად აიღოს არასტანდარტული ზომისა და ფორმის დეტალებზე  შეკვეთები.

ფუნქცია მოვალეობები და პასუხისმგებლობა:

ფილიალში მოსულ მომხმარებლებს გაუწიოს კონსულტაცია  როგორც სტანდარტული, ისე არასტანდარტული პროდუქციის შეძენისას. აღნიშნული მოვალეობის შესასეულებლად მის ფუნქციებში შედის:

• გრძელვადიანი, პარტნიორული ურთიერთობის ჩამოყალიბება კომპანიის მომხმარებლებთან;

• არსებულ და ახალ კლიენტებთან მოლაპარაკებების წარმართვა გაყიდვების მაქსიმიზაციის მიზნით;

• კომპანიისა და მისი პროდუქციის რეპუტაციისა და ცნობადობის ამაღლება მომხმარებლებს შორის;

• მიიღოს შეკვეთები მომხამარებლებისგან და მონიტორინგი გაუწიოს მათ დროულად ჩაბარებას;

მოეთხოვება:

• დაიცვას შრომის დისციპლინა და სამუშაო ადგილზე დროულად გამოცხადება/წასვლა;

• მის სტრუქტურულ ერთეულში ცალკეული თანამშრომლის არ ყოფნის შემთხვევაში ჩაანაცვლოს და ფიზიკურად დაეხმაროს სხვა დასაქმებულებს სამუშაოს შესრულებაში; საჭიროების შემთხვევაში, შესაძლოა ჩაანაცვლოს თანამშრომელი სხვა ტერიტოიულ ფილიალში;

• მის მიერ გაყიდული პროდუქციის ნაწილში, პასუხისმგებელია მომხმარებელთან ურთიერთობის ციკლის თითოეულ კომპონენტზე დაწყებული პოტენციური მომხმარებლის მიერ ინტერესის გამოხატვისა და ინფორმაციის მიღების სურვილით და დამთავრებული მზა შეძენილი პროდუქციისა და მომსახურების (როგორც სტანდარტული, ისე არასტანდარტული) დროულად და ხარისხიანად მყიდველისათვის ჩაბარების კონტროლზე;

• განიხილოს მის მიერ გაყიდულ პროდუქციაზე მომხმარებლების მხრიდან შემოსული საჩივრები და მოახდენოს შესაბამის რეაგირება; საჩივრის თაობაზე იფორმაცია მიაწოდოს გაყიდვების მენეჯერს და საჭიროების შემთხვევაში, წარმოების უფროსს ან საწყობის უფროსსა და  დირეტორს;

• ვალდებულია დაიცვას შრომის უსაფრთხოებისა და ჰიგიენური ნორმები სამუშაო ადგილას.

​

 გამოცდილება და კვალიფიკაცია:

• ავეჯის, ავეჯის მასალებისა და სამზარეულოს ტექნიკის გაყიდვების სფეროში კონსულტანტად მუშაობის გამოცდილება (სასურველი);

• კომპანიის არასტანდარტულ პროდუქციის შეკვეთების ასაღებად მათემატიკური უნარ-ჩვევები;

• კომპიტერული პროგრამების ცოდნა:

  • ფინანსურ-საბუღალტრო პროგრამის ცოდნა (სასურველი);

  • საოფისე პროგრამების ცოდნა: Microsoft word, Microsoft Excel, Microsoft Outlook; სხვა, web-ზე დაფუძნებული ელეტრონული ფოსტის მართვის ცოდნა;

  • მომხმარებელთან კომუნიკაციის მიზნით თანამედროვე წერილობითი და ხმოვანი ელექტრონული აპლიკაციების მოხმარების უნარი (WhatsApp; Viber; Messenger და ა.შ)

ავეჯის მასალების ბაზრისა და პროდუქციის და მისი მახასიათებლების  ცოდნა ან მოკლე პერიოდში ათვისების უნარი (აღწერა, გამოყენება);

პრეზენტაციის უნარი;

მოლაპარაკების წარმოების უნარი;

სიახლეების ათვისების უნარი;

შესაფერისი განათლება, ლიცენზიები და სერთიფიკატები გაყიდვებისა და მენეჯერული უნარების განვითარების კუთხით , (ჩაითვლება უპირატესობად):

სამუშაო პირობები და ანაზღაურება:

• სამუშაო დრო დილის 9:30 საათიდან 17:30 საათამდე ყოველ დღე გარდა კვირისა და სადღესასწაულო/გამოსასვლელი დღეებისა; შესვენება 80 წუთი.

• გამოსაცდელი ვადა ორი კვირა;

• ანაზღაურება გამოცდილებისა და კვალიფიკაციის შესაბამისად;

• ჯანმრთელობის დაზღვევის მინიმალურ პაკეტს აფინანსებს კომპანია.

 

დაინტერესებულმა პირებმა, გთხოვთ,

შეავსოთ განაცხადი ჩვენი ვებ-გვერდის საშუალებით (შესავსები ფორმა) ან კითხვების შემთხვევაში დაგვიკავშირდეთ 596 70 30 10

ასევე შეგიძლიათ გამოგვიგზავნოთ თქვენი ინფორმაცია მეილზე: office@avangardi.com.ge

 

დავუკავშირდებით მხოლოდ შერჩეულ კანდიდატებს.